Khuda mahfooz rakhe Akbar Allahabadi

Khuda mahfooz rakhe Akbar Allahabadi ki famous nazm mein se ek hai.Is nazm mein Akbar Allahabadi ne bahot hi khoobsurti se lafzon ko pesh kiya hai.

Khuda mahfooz rakhe aapko teeno balaao se 

Wakeelon se, hakimon se, hasinon ki nigahon se

Khuda mahfooz rakhe Akbar Allahabadi

About Akbar Allahabadi

1846-1921

Urdu ke mazaah nigaar shayaron mein Akbar Allahabadi ki badi ahmiyat hai. Unka pura naam Sayyad Akbar Husain Rizwi tha. 16 November 1846 Barah district Allahabad mein paida huye.

Education

 Shuruaati ta'aleem ghar par apne walid Sayyed Tafzul Hasan se hasil ki. Qayam-e-Allahabad ke baad pahle Maktab aur fir Jamuna Mishan School mein dakhil huye, lekin 1857 ke Inqlaab ki wajah se ta'aleem continue nahi rakh sake. 

Struggle

Mulazmat ki shuruaat Arzi Naweesi se ki. 1866 mein Mukhtari ka exam paas kiya aur kuch time ke baad Allahabad district mein nayeb Tahseeldar ho gaye. Taraqqi karte - karte 1881 mein Munsif ke ohde par maamoor huye, 1894 mein session judge ho gaye. 1903 mein aankhon ki takleef ki wajah se waqt se pahle hi pension le li. 

As a Shayar

Akbar ko shayari ka shauq bachpan se tha. Unhone zamaane ke mizaaj ke mutabiq shayari ki shuruaat ghazalgoi se ki. Akbar ke kalaam mein ghazlon ki ta'adaad kaafi hai aur unmein itni jaan hai ki unhein aasani se nazar-andaaz nahi kiya ja sakta. Lekin unki infiradiyat unki tanziya aur mazaahiya shayari mein nazar aati hai jo unki daimi shohrat ki wajah bani. Akbar ki zareefana shayari sirf hansne hasane  ka zariya nahi, balki unhone use samaajik islaah ke ek mosar hathiyaar ke taur par istemaal kiya hai. Unhone iske zariye English ki knowledge ke munfi asraat aur maghribi tahzeeb ki andhi taqleed par bharpoor waar kiye, aur chhoti - chhoti nazmon se wo kaam liya jo badi - badi taqreeron se na liya ja sakta tha. Wo mulk ki khaamiyon ko bade dilchasp andaaz mein ubharte hain. Air lateef paraye mein tanz karte hai jo nagwaar nahi guzarta. Unke yahan Sheikh, Buddhu, Jumman, Kallu, Camel, Tattu, Cow wagairah nayi - nayi wajah ke sath Jalwa - gar hote hain. Isi tarah Akbar ne English ke words se bhi jaise chaha waise faida uthaya hai. Akbar, Sir Sayyed ki khidmaat ke qayal the, Lekin unke nazariyaat se mutfiq na the. Isliye unhone aksar unko apne tanz aur mazaaq ka nishaana banaya hai. Ja-be-ja lafz 'Syyed' ka istemaal isi taraf ishara karta hai. 

Akbar ka kalaam 'Kulleyat-e-Akbar' ke naam se 3 part mein publish ho chuka hai. 

Death

Akbar ki zindagi ka aakhri zamaana  zahni wa jismaani takaleef aur pareshaniyon mein guzra. Apni biwi aur chhote bete ki maut aur musa'ad halaaton se wo dill bardashtah ho gaye the. Aur fir 9 September 1921 ko 75 years ki age mein unka inteqal ho gaya.