Mirza Ghalib Shayari

Mirza Ghalib ka asli naam Mirza Asadullah Baig Khan tha. Ghalib Urdu aur Farsi ke ek mash-hoor aur qaabil shayar the. Unki paidaish 27 December 1797 mein Agra mein hui thi. Mirza Ghalib Shayari ka apna ek alag hi andaaz tha jo unhe uss zamane ke aur shayaron se alag karta tha. Unki shayari dard, ishq, zindagi ke dukh-sukh, aur insani jazbat ka behtareen izhaar karti hai.

Mirza Ghalib Shayari

Mirza Ghalib ka bachpan

Mirza Ghalib ka bachpan kaafi mushkilon se bhara tha, kyunki unke walid, Abdullah Baig Khan, jab Ghalib sirf 5 saal ke the, tab unka inteqal ho gaya. Unke baad Ghalib ke chacha Mirza Nasrullah Baig ne unki parvarish ki aur unki zimmedari sambhaali, lekin woh bhi kuch hi saalon baad guzar gaye.

Isliye, chhoti umar mein hi unko apne hi ghar mein alag-alag mushkilein dekhne ko mili. Lekin ye mushkilein unki shayari aur soch mein gehrai laane ka sabab bani. Bahut kam umr se hi unki shaayari aur adab mein dilchaspi ho gayi thi. Aisa kaha jata hai ki unhone lagbhag 11-12 saal ki umar mein hi shayari likhna shuru kar diya tha. Unke is shayari ke shauq ko dekh kar, unke aas paas ke log bhi hairan hote jate the.

Mirza Ghalib ka Rujhaan

Mirza Ghalib ka rujhaan bachpan se hi shayari aur adab ki taraf tha. Unko urdu aur farsi zubaan par khaas qaabiliyat haasil thi, aur wo apni tahqiqaat aur jazbaat ko alag tareeqe se bayan karna pasand karte the. Unki shayari mein ishq, dard, tanhaayi aur zindagi ke ajeeb-o-ghareeb pehlu aate hain, jo logon ke dilon tak pahunchte hain. Unka andaaz kaafi unique tha kyunki wo bahot sari ghazalon mein complex aur deep emotions ko asaan alfazon mein bayaan kart dete the. Ghalib ki shayari mein unka dard aur tanhaayi dikhayi deti hai, aur yahi unke mash-hoor hone ka raaz bhi hai. Unka kehna tha, "Dil hi to hai na sang-o-khisht, dard se bhar na aaye kyon." Unke lafzon mein jo gehraayi thi, uss waqt ke log bhi usko poori tarah samajh nahi paate the, lekin aaj ke daur mein unki shayari bahot saare logon ko inspire karti hai.

Ghalib ki Education

Mirza Ghalib ek mashhoor Urdu aur Farsi shayar the, unki formal education ke bare mein kuch zyada maloomaat available nahi hai. Aisa maana jata hai ki unki taleem ghar par hi huyi thi.

Unhone apne waqt ke mash-hoor Ulama aur Adabi shakhsiyaat se Adabi aur Zabaani taleem haasil ki thi. Bachpan mein hi Ghalib ne Farsi aur Urdu par zabardast qaboo pa liya tha aur unka Adabi shauq hi unke shayari ke safar mein unko aage le gaya. Farsi zubaan mein bhi unka knowledge kaafi gahra tha, jo unke kaam mein bhi dekha ja sakta hai.

Ghalib ke kuch mashhoor shayari ke misre hain:

"Bazicha-e-atfal hai duniya mere aage, Hota hai shab-o-roz tamasha mere aage."

"Dil dhoondta hai phir wahi fursat ke raat din, Baithe rahe tasavvur-e-jaana kiye hue."

Zindagi ke aakhri dino mein, Ghalib ko kaafi mushkilon ka saamna bhi karna pada, aur unke dukh aur akelepan ka asar unke shayari par bhi dikhayi diya. Mirza Ghalib ne 15 February 1869 ko iss duniya ko alvida keh diya, lekin unki shayari aaj bhi logon ke dilon mein zinda hai aur aane wale har zamane mein zinda rahne wali hai. 

Mirza Ghalib As a Shayar

Mirza Ghalib Ki Dard Bhari Ghazal jaisa ki ham sab hi jante hain ki Ghalib shuru se hi bahot mushkil sher ya usse kam mushkil sher aur ba - zahir aasan sher kah sakte the aur kahte the. Ghalib ka kalaam darasal isliye mushkil lagta hai ki unke yahaan ma'ane ki kasrat hai. Unke aksar ash-aar mukhtalif logon ke liye mukhtalif ma'ane ke hamil hote hain. Har ek yahi dawa karta hai ki usne sahi ma'ane samjha hai. Par sachchi baat ye hai ki ma'ane ki kasrat ki bina par Ghalib ke sher ke kisi ek ma'ane ko sahi en ka darja dena aasan nahi hai. 

 

     Agar Che Ghalib ne Urdu shayari mein ek aise tarz ki buniyad dali jo apne zamane mein naya tha aur aaj bhi naya ma'aloom hota hai. Lekin zuban ko baratne ke tareeqe unhone zyadatar? Meer se seekhe. 

Mirza Ghalib Shayari

Har ek baat pe kahte ho tum ke tu kya hai, 

Har ek baat pe kahte ho tum ke tu kya hai, 

Tum hi batao ye andaz-e-guftugu kya hai, 

Chipak raha hai badan par lahu se pairahan, 

Hamari jeb ko unhajat-e-rafu kya hai, 

Jala hai jism jahan Dill bhi jal gaya hoga, 

Kuredte ho jo ab raakh-e-justuju kya hai, 

Ragon mein daudte firne ke ham nahi kayal, 

Jab aankh se na tapka to fir lahu kya hai, 

Bana hai Shaah ka muhsahib fire itrata, 

Warna is shahar mein 'Ghalib' ki aabru kya hai. 

Mirza Ghalib Shayari

Ghar jab bana liya tere dar par kahe bagair

Ghar jab bana liya tere dar par kahe bagair, 

Janega ab bhi na tu mera ghar kahe bagair, 

Kahte gai jab rahi na mujhe taqat-e-sukhan, 

Jane kisi ke Dill ki mai kyun kar kahe bagair, 

Kaam usse aa pada hai ki jiska jahaan mein, 

Leve na koi naam sitamgar kahe bagair, 

Jee mein hi kuch nahi hai hamare, vagarna ham, 

Sar jaye ya rahe, na rahen par kahe bagair, 

Chhodunga na main us but-e-kafir ko pujna, 

Chhode na khalq go, mujhe kafir kahe bagair, 

Har chand ho mushahid-a-e-Haq ki guftugu, 

Banti nahi hai baada-o-sagar kahe bagair, 

Bahrà hu main to chahiye duna ho iltifaat, 

Sunta nahi hu baat muqarrar kahe bagair, 

'Ghalib' na kar huzoor mein to baar baar arz, 

Zahir hai tera haal un par sab, kahe bagair. 

Ishq mujhko nahi wahshat hi sahi

Meri wahshat teri shohrat hi sahi

Ishq mujhko nahi wahshat hi sahi

Meri wahshat teri shohrat hi sahi

Qata'a keene na ta'alluq hamse

Kuch nahi hai to adaawat hi sahi

Mere hone mein hai kya ruswayi

Aye wo majlis nahi khalwat hi sahi

Hambhi to dushman nahi hai apne

Ghair ko tujhse muhabbat hi sahi

Apni hasti hi se ho jo kuch ho

Aagahi gar nahi ghaflat hi sahi

Umr har chand ki hai Barq-e-khiraam

Dill ke khoon karne ki fursat hi sahi

Ham koi tarq-e-wafa karte hai

Na sahi Ishq musibat hi sahi

Kuch to de aye falaq-e-na-insaaf

Aah o fariyad ki rukhsat hi sahi

Ham bhi tasleem ki khoo dalenge

Be-niyazi teri aadat hi sahi

Yaar se chhed chali jaye 'Asad'

Gar nahi wasl to hasrat hi sahi

Q&A

Que-  Who is Mirza Ghalib?

Ans-  Mirza Ghalib is a great shayar of Urdu and Persian.

Que- Who was Mirza Ghalib?

Ans-   Mirza Ghalib was a great shayar of Urdu and Persian.

Que- Who is Ghalib?

Ans-  Ghalib is a great shayar of Urdu and Persian.

Que-  Where is the grave of Ghalib?

Ans-  The grave of Mirza Ghalib is situated to the north of Chausath Khamba enclosure near the Nizamuddin Dargah in Nizamuddin West (Delhi).

Que-  When did Ghalib died?

Ans-  Mirza Ghalib died in Delhi on 15 February 1869.