Quotes About Allah And His Mercy

Beshak Allah bahot meharbaan hain, hamari zarooraton ko puri karte hain, Ham Allah ka jitna bhi shukriya ada karein kam hi hoga. Quotes About Allah And His Mercy mein Allah ki Tareef mein quotes shamil kiye gaye hain. 

Quotes About Allah And His Mercy

1. Allah par yaqeen rakhne se to wo bhi mill jata hai jo aapne kabhi manga hi nahi, 

To yaqeen rakhiye us par wo bhi mill jayega jo aap kab se maang rahe hain. 

2. Allah chahe to lamhon mein har bigdi baat ko bana sakta hai, 

Hamari Duao ko hamara muqaddar bana sakta hai, 

Uski Khudayi mein kisi ka koi dakhal nahin. 

3. Kya aap jante hain... 

Dua un tareeqon se aapki madad karti hai jo aapki samajh se bahar hai, Is baat se bilkul farq nahi padta ki aapke samne kitni rukawatein khadi hain, Bas aapne ye hamesha yaad rakhna hai ki Allah hamesha apne har bande ke sath hai, Aur jab tak Allah hamare sath hai ham koi bhi jang jeet sakte hai, Isliye jab kabhi Dill mayoos hone lage to yaad karna Allah ne Quraan mein farmaya hai "Nooh (A) ki us waqt ki Dua karo ki usne jab hamein pukara to hamne uski Dua Qubool kar li. (21:76) 

4. Mazboot to wo log hote hai... 

Jo takleef par rone ke baad khud ko samjha lete hai " Allah hai na, wo sab theek kar dega."

5. Yaqeen rakhiye aapki zindagi mein abhi bahot se khushi ke lamhe aane wale hain, 

Yaqeen rakhiye mushkil ke sath aasani bhi rakhi gayi hai, 

Himmat nahi haariye, Allah par tawakkul rakhiye. 

6. Khuloos-e-Dill se Dua... 

Agar Dill mushkil mein hai soch fikr mein hai

To Allah se Dua karna aur Ye tawakkul zaroor rakhna ki, 

Wo Allah tamaam Duaaon ko dhyan se sunta hai, 

Jo Duaayen Dill ki gahrai se nikalti hai wo khali nahi jati. 

7. Tahajjud padha karo... 

Tahajjud se Duayen Qubool hoti hai. 

8. Tumhara ye toota hua Dill jo hai na, 

Yaqeen rakho Allah ke Kun se sambhal jayega, 

Kyunki Allah Qudrat wala hai... Jo chahe kar sakta hai. 

9. Allah se maangte raho jo aap chahte ho, 

Yahaan tak ki woh aapki har Dua ka jawaab de, 

Aur aapke liye har khoobsurat darwaze khol de. 

10. Allah ek din 'Kun' zaroor kahega, 

Bas tum jaldi na kiya karo, 

Yaad rakhein jab Allah 'Kun' kahega to Kayenaat ka har zarrah hamare liye waseela ban jayega. In Sha Allah

11. Musalsal ek hi Dua ko har Namaz mein maangna ittefaq to nahi ho sakta, 

Yaqeen rakhein jab Allah Dill se Dua ka khayal nahi nikal raha hai to fir us Dua ko Qubool hona hamare naseeb mein likha ja chuka hai. 

12. Beshaq rasta hai lamba magar manzil ka yaqeen hai, 

Aazmaish sakht hai lekin Woh bhi Raheem hai, 

Mujhe raston se mat daraao Aye Duniya walon, 

Mai jis ki Aas par hun wo Allah Kareem hai. 

13. Yaaqeenan Agar ham Shukr adaa karenge, 

To Allah hamein aur zyada denge. 

14. Allah wo hai jo karishme kar sakta hai, 

Allah wo hai jo Namumkin ko Mumkin kar sakta hai, 

Wo sab ke dilon ko janne wala hai, 

Aur sab se pyar karne wala hai, 

Mayoos na ho wahi mushkilaat aasan kar sakta hai, 

Use Aajizi se pukaro wahi sunne wala hai, 

Yaqeen ke sath Dua karein Wahi aapki Dua Qubool karne wala hai. 

15. Kaun ye kahta hai ki Allah nazar nahi aata, 

Wahi to nazar aata hai jab kuch nazar nahi aata. 

16. Duaen Radd nahin hoti, 

Bas behtreen waqt par Qubool hoti hain. 

17. Sabr kar... 

Allah dekh raha hai, 

Allah janta hai, 

Aur wo ek din sab theek kar dega. In Sha Allah

18. Dill ka baar baar ek hi Dua ke liye Allah ke samne rona, 

Ittefaq nahi hota. 

19. Dua meri ummeed hai jo mujhe sahara deti hai, 

Ki ek din mera Allah meri har  Dua Qubool kar lega. In Sha Allah

20. Shuruaat mushkil hai to kya hua... 

Hamare Allah ne hamare liye faisla bahot khoobsurat likh rakha hai, hamara muqaddar hamari zindagi nahi banata, hamara tawakkul hamari zindagi banata hai, hamare paas ab bhi Dua ka ikhtiyaar hai, hamari kahani ab bhi khatam nahi huyi, hamari taufeeq hi hamari sab se badi daleel hai, hamara sabr gawaah hai, ki hamare liye Kun Fayakun likha ja chuka hai, Aur hamre sabr ka sila ab hamein mill kar rahega. 

21. Duaon mein agar Dill lagne lage to jaan lo, 

Allah muqaddar badalne ki Thaane huye hai. 

22. Agar tum Darood Shareef padhne ke liye chun liye gaye ho, 

To maan lo khushi tumhara muqaddar hai. 

23. Karishme hote hain, isliye Allah par bharosa karna kabhi mat chhodna, 

Ek din hamari adhuri kahani zaroor mukammal ho jayegi. In Sha Allah

24. Ek din aayega jab hamari Allah se lagayi huyi ummeedein puri ho jayengi, 

Hamara wo raton ko uth - uth kar Allah se maangna khali nahi jayega, 

Wo tadap kar Duaen karna, 

Wo logon ki baton pe sabr karna, aur apni Dua ki qubooliyat ka intezar karna, kuch bhi khali nahi jayega In Sha Allah. 

25. Todne wale hazaar hain, 

Jodne wala sirf mera ALLAH hai. 

26. Insaan ko kabhi bhi Àllah se ummeed nahin chhodni chahiye, 

Taqdeerein bhi badlengi aur In Sha Allah Duaen bhi Qubool hongi. 

27. Insaan us waqt tak Tauba kar hi nahin sakta jab tak Allah Taufeeq na de, 

Aur jab Taufeeq mill jaye to qubooliyat mein koi shaq nahin rahta. 

28. Allah Sab kar sakta hai...

Dua ek ummeed hoti hai, Allah hamein har tarah ki mushkil mein bhi ummeed deta hai, Ki ham kabhi bhi kisi bhi situation mein na - ummeed na hon. Kyunki Allah sab kar sakta hai. 

29. Aye Allah mujh gunahgar ko bakhsh de... 

Jiske Ikhtiyaar mein siwaye Dua ke kuch nahin hai. 

30. Himmat nahin haaro Dua mangte raho... Tab tak jab tak jawaab nahin mill jata, 

Jab wo tumhein sabr ki inteha ko le aaya hai to yaqeen rakho aazmaish bhi khtm ho jayegi,  aur fir us cheez se nawaaz diya jayega jiske liye tum raton ko uth - uth ke jholi failaya karte the. 

31. Agar koi Dua aapke Dill se baar - baar zubaan par aa rahi hai, 

Aur na chahte huye bhi aap wahi Dua baar - baar kar rahe hain, to Yaqeen janiye ki wo Dua aapki zaroor Qubool hogi In Sha Allah. 

32. Aap Dua ke liye hath uthao, Dill mein yaqeen ho ki wo sunn raha hai dekh raha hai jawab dega aur sabr ke aansu aapki aankhon se gir rahe ho, to kaise mumkin hai ki wo aapko is yaqeen is aansuon se bheegi aankhon aur kapkapate honthon se mangi Dua ka sila na de.