Ghazal Hindi Sad

Writer apni zindagi me aane wale mushkil haalaat jinme zyadatar muhabbat me mile huye dard shamil hote hai, Unko apne lafzon me dhaalta hai. Yahi dard aur mushkil haalaat shayari me udaasi ko paida karte hai. Yahan udaasi ke alag-alag shaklon me Ghazal Hindi Sad ko pesh kiya ja raha hai.

Ghazal Hindi Sad

Dono Jahan teri Muhabbat me haar ke

Faiz Ahmad Faiz

Ghazal Hindi Sad

Dono Jahan teri Muhabbat me haar ke
Wo ja raha hai koi Shab-e-gham guzar ke

Veera hai Maye-kada khum-o-Sagar udaas hai
Tum kya gaye ki rooth gaye din bahar ke

Bhale se muskura diye the aaj 'Faiz'
Mat pooch walwale dill-e-na-karda-kar-ke

Gulon me rang bhare baad-e-nau-bahaar chale

Source-

Book: Nuskha Hai wafa (page 63)

Interesting Fact about this Ghazal

Faiz Ahmad Faiz ne ye Ghazal 29 January 1954 me Rawalpindi ke Montgometry karawaas me likhi

Gulon me rang bhare baad-e-nau-bahaar chale
Chale bhi aao ki gulshan ka karobar chale

Ghazal Hindi Sad

Qafas udaas hai yaaron Saba se kuch to kaho

Kahin to bahr-e-Khuda aaj zikr-e-yaar chale

Kabhi to subah tere kunj-e-Lab se ho aaghaz
Kabhi to shab sar-e-kakul se mushk-baar chale

Bada hi dard ka rishta hai ye dill ghareeb sahi
Tumhare naam pe aayenge gham-gusaar chale

Jo ham pe guzri so guzri magar shab-e-hijran
Hamare Ashq teri aqibat sanwaar chale

Huzur-e-yaar huyi daftar-e-junoon ki talab

Girah me le ke garebaan ka taar taar chale

Maqam 'Faiz' koi raah mein jacha hi nahin
Jo koo-e-yaar se nikle to soo-e-daar chale

You May Also Like

Ghazal- 3

Saron ke saye chin jate hai

Saron ke saye chin jate hai be-mausam jab nikalti hai,

Uda deti hai kheme jab hawa-e-gam nikalti hai,

Abhi to satah khurchi hai abhi se thak gaye baazu,

Zameen jitni bhi kaati jaye utni nam nikalti hai,

Rihayi ke dahaanon par kayi suraj musallat hai, Zameen ki qaid se bahar kaha shabnam nikalti hai,

Mai sari zindagi mein ek bhi baazi nahi jeeta,

Talab karta hu ikka taaah se begam nikalti hai,

Aur chhapparon me raaz poshida anhi rahte,

Zara oonche gharon ki baat bahar kam nikalti hai.

Ghazal Hindi Sad

Ghazal- 4

Dariya ko aur koi bahana to hai nahi

Dariya ko aur koi bahana to hai nahi,

Kahta hai chal ki tera thikana to hai nahi,

Ab kah diya to sath nibhayenge umr bhar,

Hala-nki dosti ka zamana to hai nahi,

Laawa sa khaulta hai sada andrun-e-zaat,

Aatash-fashane gham ka dahana to hai nahi,

Deewana hai jo usse tawaqqo rakhe koi,

Aakhir wo rahnuma hai deewana to hai nahi,

Thodi si raushni hai ise jo bhi loot le,

Jugnu miyan ke paas khazana to hai nahi,

Sab Ja-e-hadisa se bahut door ho gaye,

Zakhmi ki cheekh koi tarana to hai nahi,

Chubh jayen jane kisko 'Muzaffar' hamare sher,

Apna bhi koi khaas nishaan to hai nahi.

Ghazal Hindi Sad

Ghazal- 5

Uda kya jo rukh par hawa ke uda

Uda kya jo rukh par hawa ke uda,

Ki usse to achcha hu mai be-uda,

Kisi din achanak qareeb aa ki tu,

Tasawwur mein mere parkhache uda,

Abhi tak nazar mein hai apna wujood,

Takhayyul zara aur oonche uda,

Jise sab samjhte the be-baton par,

Wahi ek parinda qafas le uda,

'Shuja' Aandhiyon ki karo fikr tum,

Wo aayi saher aur mai ve-uda.

End

You May Also Read:

Lab Pe Aati Hai Dua ban ke tamanna meri

Ghazal- 6

Jo ghairat bech kar aaye kamaai zaher lagti hai

Jo gairat bech kar aaye kamaai zaher lagti hai,

Dar-e-zardar ki hamko gadaiyi zaher lagti hai,

Ho jisme jurm poshida mithai zaher lagti hai,

Shareef insaan ko rishwat ki kamayi zaher lagti hai,

Jise Haq aashna ki lab kushayi zaher lagti hai,

Hamein us raahbar ki rahnumayi zaher lagti hai,

Muqabil ho agar dushman maza aata hai ladne ka,

Kisi ke peeth peeche ho burayi zaher lagti hai,

Lada kar hamko aapas mein bahut kamzor kar dala,

Hamein makkar Hakim ki safaai zaher lagti hai,

Gina deta hai wo ahsaan zara si baat pe 'Akbar'

Hamein ab aise bhai ki bhalayi zaher lagti hai.

End

Ghazal- 7

Haath faila ke ameeron ki taraf dekhe hai,

Haath faila ke ameeron ki taraf dekhe hai,

Wo samundar mein jazeeron ki taraf dekhe hai,

Jang jab jeetna maqsad bhi hai manzil bhi hai,

Kaun udte huye teeron ki taraf dekhe hai,

Kyun haqarat bhari aankhon se zamane ka mizaj,

Teri chahat ke aseeron ki taraf dekhe hai.

Badshahat bhi pahadon ki bulandi se yaha,

Ghaas par baithe faqiron ki taraf dekhe hai,

Jisko chehre ko parakhna bhi nahi aata,

Kyun hatheli ki lakiron ki taraf dekhe hai.

Akbar Allahabadi Ghazal

Halqe nahi hai zulf ke halqe hain jaal ke

Halqe nahi hai zulf ke halqe hain jaal ke

Haan aye nigah-e-shauq zara dekh bhaal ke

Pahunche hain ta-kamar jo tere gesu-e-rasa

Ma'ani ye hai kamar bhi barabar hai baal ke

Bos-o-kanar-o-wasl-e-hasina hai khoob shagl

Kamtar buzurg honge khilaaf is khayal ke

Qaamat se tere saan-e-Qudrat ne aye hansi

Dikhla diya hai hashr ko saanche mein dhaal ke

Shaan-e-dimaag ishq ke jalwe se ye badhi

Rakhta hai hosh bhi qadam apne sambhaal ke

Zeenat muqaddama hai museebat ka daher mein

Sab shama'a ko jalte hain saanche mein dhaal ke

Hasti ke haq ke samne kya asl-e-iin-o-aan

Putle ye sab hain aapke wahm-o-khayal ke

Talwar le ke uthta hai har Talib-e-Farog

Daur-e-Falaq mein hain ye ishare Hilaal ke

Pechida zindagi ke karo tum muqaddme

Dikhla hi degi maut nateeja nikaal ke

Ghazal Hindi Sad