Mirza ghalib ki dard bhari shayari

Ghalib ki shayari ke bare mein 2 batein bahot mash-hoor hain. Ek to ye ki wo falasfi shayari the aur dusri ye ki unka kalaam bahot mushkil hai. Mirza Ghalib ki dard bhari shayari ki bhi apni alag pahchaan hai. Ye bhi kaha jata hai ki ladakpan aur jawani mein unki shayari aur bhi mushkil thi aur aahista-aahista Ghalib ne apne andaaz ko is qadar badla ki wo 'Meer' ki tarah ke sher kahne lage. 

In sab baton mein thodi bahot sachchayi hai magar inko puri tarah sahi samajh lene se Ghalib ke bare mein bahot si ghalat fahmiyan paida ho sakti hain. Ghalib is ma'ane mein falasfiyana shayari zaroor hain ki unke kalaam mein zindagi aur kayenat ki bahot si nazuk aur bareek baton ki taraf ishare milte hain. Ye baat bhi sahi hai ki ghalib ke yahaan fikr ka pahlu zyada numaya hai aur jazbaat ka kam lekin Ghalib ki shayari manzoom falasfa nahi hai. Ye shayari ek hassas aur sochne wale zahen ke mukhtalif tajurbaat ka ehsaas karti hai aur is tarah hamein nayi - nayi duniya ki sair karati hai. Zindagi ka koi marhala aisa na hoga jis par ham Ghalib ke kisi sher ke zariye izhaar raaye na kar sakein. Yahibwajah hai ki hamare yahan jitne sher zarbulmasal ho gaye hain unmein sab se zyada sher 'Ghalib' ke hain. 

Mirza ghalib ki dard bhari shayari

Tum apne shikwe ki batein na khod-khod ke pucho

Hazar karo mere dill se ki is mein aag dabi hai

Dila ye dard-o-Aalam bhi to mughtanim hai aakhir

Na girya-e-sahri hai na aah-e-neem-shabi hai

Nazar ba-naqs-e-gadayaan kamaal-e-be-adbi hai

Ki khar-e-khushq ko bhi daawa-e-chaman-nasbi hai

Hua wisaal se shauq-e-dill-e-harees zyada

Lab-e-qadah pe khauf-e-baada josh-e-tishna labi hai

Khusha wo dill ki sarapa tilism-e-be-khabri ho

Junoon o yaas o alam rizq-e-mud-da'a talbi ho

Chaman mein kiske ye barham huyi hai bazm-e-tamasha

Ki barg barg-e-saman sheesha reza-e-halbi hai

Imaam-e-zahir-o-batin ameer-e-soorat-o-maani

'Ali' Wali Asadullah janasheen-e-Nabee hain

1954

Mirza ghalib ki dard bhari shayari

Ishq mujhko nahi wahshat hi sahi

Meri wahshat teri shohrat hi sahi

Qata'a keene na ta'alluq hamse

Kuch nahi hai to adaawat hi sahi

Mere hone mein hai kya ruswayi

Aye wo majlis nahi khalwat hi sahi

Hambhi to dushman nahi hai apne

Ghair ko tujhse muhabbat hi sahi

Apni hasti hi se ho jo kuch ho

Aagahi gar nahi ghaflat hi sahi

Umr har chand ki hai Barq-e-khiraam

Dill ke khoon karne ki fursat hi sahi

Ham koi tarq-e-wafa karte hai

Na sahi Ishq musibat hi sahi

Kuch to de aye falaq-e-na-insaaf

Aah o fariyad ki rukhsat hi sahi

Ham bhi tasleem ki khoo dalenge

Be-niyazi teri aadat hi sahi

Yaar se chhed chali jaye 'Asad'

Gar nahi wasl to hasrat hi sahi

Mirza ghalib ki dard bhari shayari

Ibn-e-Mariyam hua kare koi

Mere dukh ki dawa kare koi

Shara'a o aayiin par madaar sahi

Aise qatil ka kya kare koi

Chaal jaise kadi kamaan ka teer

Dill mein aise ki ja kare koi

Baat par waan zabaan kat-ti hai

Wo kahein aur suna kare koi

Bak raha hun junoon mein kya-kya kuch

Kuch na samjhe Khuda kare koi

Na suno gar bura kahe koi

Na kaho gar bura kare koi

Rok lo gar galat chale koi

Bakhsh do gar khata kare koi

Kaun hai jo nahi hai haajat-mand

Kiski haajat rawa kare koi

Kya kiya Khizr ne Sikandad se

Ab kise rahnuma kare koi

Jab tawaaqo' hi uth gayi 'Ghalib'

Kyun kisi ka gila kare koi

Mirza ghalib ki dard bhari shayari

Hazaaron khwahishein aisi ki har khwahish pe dam nikle

Bahot nikle mere armaan lekin fir bhi kam nikle

Dare kyun mera qatil kya rahega uski gardan par

Wo khoon jo chasm-e-tar se umr bhar yun dam-ba-dam nikle

Nikalna khuld se Aadam ka sunte aaye hain lekin

Bahut be-aabru ho kar tere kooche se ham nikle

Bharam khul jaye zaalim tere qaamat ki daraazi ka

Agar is turra-e-pur-pech-o-kham ka pech-o-kham nikle

Magar likhwaye usko koi khat to hamse likhwaye

Huyi subh aur ghar se kaan par rakh kar qalam nikle

Huyi is daur mein mansoob mujhse baada aashaami

Fir aaya wo zamana jo jahaan mein jaam-e-jam nikle

Huyi jinse tawaqqo' khastgi ki daad pane ki

Wo hamse bhi zyada khasta-e-teg-e-sitam nikle

Mirza ghalib ki dard bhari shayari

Muhabbat mein nahi hai farq jeene aur marne ka

Usi ko dekh kar jeete hai jis kafir pe dam nikle

Kahaan mai-khaane ka darwaza 'Ghalib' aur kahaan wa'aiiz

Par itna jante hain kall wo jata tha ki ham nikle