Muhabbat me unki ana ka paas rakhte hai

 Yun to Mirza Ghalib ne bahot sari Nazm,Ghazlein aur shayariyan likhi hain lekin unki mash-hoor shayariyon mein se ek hai jo bahot pasand kiya jata hai wohai Muhabbat me unki ana ka paas rakhte hai

ham jaan kar unhein aksar udaas rakhte hai

About Mirza Ghalib

Mirza Ghalib ke grand father Mughal Badshahi ke aakhri zamane mein Iran se Hindustan aaye. Unke khandaan ko is Mulk mein munasib martabah mila. 

Ghalib Agra me paida huye. Pahle grandfather, fir Father aur uske baad uncle ki death ki wajah se Ghalib bachpan se hi badi had tak tanha rah gaye the. Unke nana ne unki parwarish ki lekin unki taaleem mukammal na ho saki. 13 saal ki umr mein Ghalib ki shaadi Delhi ke ek muazziz nawabi khandan mein ho gayi. Shaadi ke kuch arse baad Ghalib Aagre se Delhi aa gaye aur aakhri dam tak yahi rahe. Ghalib ke aakhri din lambi bimari ki wajah se takleef mein guzre lekin unke mizaaj ki shokhi aur zahen ki taazgi aakhri waqt tak barqarar rahi. 

Ghalib b ko Aam taur par Urdu ka sab se bada shayar kaha jata hai. Farsi shayari mein bhi 'Ghalib' ka martaba bahot buland hai. Zindagi Ke ek bade hisse mein Ghalib ne Urdu mein bahot kam kaha. Fir ladakpan aur jawaani ka bahot sa Urdu kalaam unhone apne deewaan mein shamil bhi nahi kiya. Is tarah unka Urdu kalaam unke farsi kalaam se bahot kam hai lekin aaj duniya jis 'Ghalib' ko Urdu ka sabse bada shayar manti hai wo isi chote se deewan mein jalwa gar hain. 

Mirza Ghalib as a shayar

Ye baat bhi sach hai ki Ghalib ka kalam khasa mushkil hota hai, starting me likhe hiye Ghalib ke kalam aur bhi zyada mushkil hai lekin unka jo kalaam Mizawwaj deewan me shamil hai us ka bhi ek bada hissa Ghalib ki naujvani ki yadgaar hai. Iska matlab ye hua ki Ghalib shuru se hi bahot mushkil sher aur us se kam mushkil sher aur bazahir aasan sher kah sakte the aur kahte bhi the. 

Ghalib ka kalam mushkil kyu

Ghalib ka kalam darasal isliye mushkil lagta hai kyunki unke yaha meaning ki kasrat hai. Unki bahot sari shayari alag-alag logon ke liye alag-alg waqt me kaam aati hai. Har ek ye hi da'awa karta hai ki agar Ghalib ki Shayari ki meaning samjhi jaye to kisi ek waqt ke liye unki shaayri ko taye kar pana mushkil hai. 

Mirza Ghalib sad shayari

Dard se mere hai tujhko be-qarari haye haye

Kya huyi zalim teri ghaflat-Shiaari haye haye

Dard se mere hai tujhko be-qarari haye haye

Kya huyi zalim teri ghaflat-Shiaari haye haye

Tere dill mein gar na tha Aashob-e-gham ka hausla

Tune fir kyun ki thi meri gham-ghusari haye haye

Kyun meri gham-kwargi ka tujhko aaya tha khayal

Dushmani apni thi meri dost-dari haye haye

Umr bhar ka tune paiman-e-wafa bandha to kya

Umr ko bhi to nahi hai paidari haye haye

Zahar lagti hai mujhko aab-o-hawa-e-zindagi

Ya'ani tujh se thi ise na-sazgaari haye haye

Ghulfishani-ha-e-naaz-e-jalwe ko kya ho gya

Khak par hoti hai teri lala-kari haye haye

Sharm-e-ruswayi se ja chupna naqab-e-khaak mein

Khatm hai ulfat ki tujh par parda-dari haye haye

Khaak me namoos-e-paiman-e-muhabbat mill gayi

Uth gayi duniya se raah-o-rasm-e-yaari haye haye

Hath hi tegh-aazma ka kaam se jata raha 

Dill pe ek lagne na paya zakhm-e-kari haye haye

Kis tarah kaate koi shab-ha-e-toor-e-barshigaal

Hai nazar khoon khirda-e-Akhtar-Shumari haye haye

Gosh mahjoor-e-payam O chashm-e-mahroom-e-jamal

Ek dill is par ye na-ummeed wari haye haye

Ishq ne pakda tha na 'Ghalib' abhi wahshat ka rang

Rah gaya tha dill me jo kuch Zauq-e-khwari haye haye

Ghalib ke kuch khoobsurat sher

Muhabbat me unki ana ka paas rakhte hain, 

Ham jaan kar unhein aksar udaas rakhte hain. 

Muhabbat me unki ana ka paas rakhte hai

Kitna khauf hota hai andheron mein, 

Puch un parindon se jinke ghar nahi hote. 

Ragon mein daudte firne ke ham nahi kayal, 

Jab aankh se hi na tapka to lahu kya hai.