Lab Pe Aati Hai Dua Ban Ke Tamanna Meri 

by Allama Iqbal

Lab pe aati hai dua ban ke tamanna meri jiska Title hai Bachche ki Dua, ye nazm Dr. Allama Iqbal ki nazm hai. Isme dard mandon aur zaieefon ki hifazat karne aur apne liye burai se bacha kar nek raste par chalane ki dua Allah se mangi gayi hai. 

Lab Pe Aati Hai Dua ban ke tamanna meri

 Lab pe aati hai dua ban ke tamanna meri 
Zindagi shama ki surat ho Khudaya meri

Tashreeh:- Ye Shayari Allama Iqbal ki Nazm Bachche ki Dua ki tashreeh hai. Is Misre mein shayar bachche ke hamzuban hoke kahte hain ki Ya Allah meri ye zindagi Tu kisi chirag jaisi bana de. 

Door duniya ka mere dam se andhera ho jaye 
 Har jagah mere chamakne se ujala ho jaye

Tashreeh:- Aage shayar kahte hai ki meri zindagi chiragh jaisi hogi to main bhi jaha chamkunga waha raushni ho jayegi jaise kisi chiraagh ko jala dene se andhere me raushni ho jati hai. 

Ho mere dam se uhi mere watan ki zeenat
Jis tarah phool se hoti hai chaman ki zeenat

Tashreeh:- Is Misre me shayar kahte hai ki Ya Allah mujhe aisi salahiyat de ki mai apne watan ko khoobsurat bana sakun jaise ek phool ki maujoodgi se bagh ki raunaq badh jati hai. 

 
 Zindagi ho meri parwane ki surat Ya Rab,
 Ilm ki shama se ho mujhko muhabbat Ya Rab

Tashreeh:- Is Misre me Shayar kahte hai ki Ya Allah mujhme Ilm ki aisi muhabbat daal dijiye jaise kisi parwane ko chiragh se hoti hai aur wo uske aas-paas ghoom-ghoom ke apni jaan de deta hai. 

Ho mera kaam gareebon ki Himayat karna

Dard mandon se zaieefon se muhabbat karna 

Tashreeh:- Is Misre mein Shayar kahte hain ki Ya Allah aap meri zindagi ko bas aise kaam me laga dijiye ki mai gareebon ka sath de saku, aur jo dard me hai aur buddhe ho gaye hai unse muhabbat se mil skun. 

You May Also Read:

• How to Write a Novel
• Don't Trust Anyone Quotes

 Mere Allah burai se bachana mujhko
 Nek jo raah ho us raah pe chalana mujhko

Tashreeh:- Is Aakhir Misre me shayar Allah se Dua krte hai ki Ya Allah mujhe aap aise hi raste par chalaiye jo burayi se door ho aur neki ki taraf le jayen.   

Ghazal ki Definition

FAQ

Que:- What is the definition of Ghazal?

Ans:-  Ghazal ki definition-

Ghazal ko Urdu shayari me apna alag maqam hasil hai. Ye tareeqa Persion aur Arabic language se Urdu me aaya. Mainly ghazal mahboob se baten krne ka tareeqa hai jo aashiq apne andaaz me mann ki uljhanon aur pareshaaniyon se judi kahaniyan kahta hai. 

Que:- Ghazlon ka badshah kaun hai?
Ans:- Ghazlon ka badshaah-
Meer Taqi Meer ko ghazlon ka badshaah kaha jata hai. 

Que:- Who is the parent of Ghazal?

Ans:-  In India Ghazal was first treated properly by Ameer Khusro in 12th Century.

Que:-  Ghazal ki tareeef.

Ans:-  Tujh se lafzon ka nahin rooh ka rishta hai mera

           Tu meri saanson mein tahleel hai khushbu ki tarah

Que-   Who sang Lab pe aati hai Dua?

Ans-   Allama Iqbal sang Lab pe aati hai Dua.