Akbar Allahabadi Poetry

Akbar Allahabadi ka real name Sayed Akbar Hussain tha.Wo 1846 mein Allahabad ke paas Bara mein ek respectable family mein paida huye. Unke father ka name Syed Tafazzul Husain tha. Akbar Allahabadi Urdu ke ek talented shayar and writer the. Akbar Allahabadi Poetry and inke likhe gaye articles freedom struggle ke time bahot famous huye. 

Akbar Allahabadi Poetry

Charkh se kuch ummeed thi hi nahi, 

Aarzu maine koi ki hi nahi, 

Mazhabi bahes maine ki hi nahi, 

Faltu Aql mujh me thi hi nahi, 

Chahta tha bahot sir baaton ko, 

Magar afsos ab wo ji hi nahi, 

Jurate-Arz-e-haal kya hoti, 

Nazr-e-lutf usne ki hi nahi, 

Is musibat mein dill se kya kahta, 

Koi aisi misaal thi hi nahi, 

Aap kya janein Qadr-e-Ya-Allah, 

Jab musibat koi padi hi nahi, 

Shirk chhoda to sabne chhod diya, 

Meri koi society hi nahi, 

Pucha 'Akbar' hai aadmi kaisa, 

Hans ke bole wo aadmi hai hi nahi. 

Aankhein mujhe talwon se wo malne nahi dete

Aankhein mujhe talwon se wo malne nahi dete, 

Armaan mere dill ke nikalne nahi dete, 

Khatir se teri yaad ko talne nahi dete, 

Sach hai ki hamhi dill ko sambhalne nahi dete, 

Kis naaz se kahte hai wo Jhunjhla ke Shab-e- wasl, 

Tum to hamein karwat bhi badalne nahi dete, 

Parwanon ne fanoos ko dekha to ye bole, 

Kyun hamko jalaate ho ki jalne nahi dete, 

Hairaan hun kis tarah karun Arz-e-tamanna, 

Dushman ko to pahlu se wo talne nahi dete, 

Dill wo hai ki fariyaad se labrez hai har waqt, 

Ham wo hain ki kuch muh se nikalne nahi dete, 

Garmi-e-muhabbat mein wo hain aah se maane, 

Pankha Nafas-e-sard ko jhalne nahi dete. 

Hai do - Roza Qayaam-e-sara-e-fana 
Na bahot ki khushi hai na kam ka gila, 

Hai do - Roza Qayaam-e-sara-e-fana Na bahot ki khushi hai na kam ka gila, 

Ye kahaan ka fasana-e-sood-o-Ziyan  jo gaya wo gaya jo mila wo mila, 

Na bahaar jami na khiza hi rahi kisi ahl-e-nazar ne ye khoob kahi, 

Ye karishma-e-shaan-e-zahoor hain sab kabhi khaak udi kabhi phool khila, 

Nahin rakhta main khwaahish-e-Aish-o-tarab yahi Saaqi-e-dahr se hai bas talab, 

Mujhe Ta'at-e-haq ka chakha de maza na kabab khila na sharaab pila, 

Hai fizool ye qissa-e-zaid-o-baqar har ek apne amal ka chakhega samar, 

Chalo zehan se fursat-e-umr hai bahot kam jo dila to  Khuda hi ki yaad dila. 

Duniya mein hun Duniya ka talabgaar nahin hun
Bazaar se guzra hun khareedar nahin hun

Duniya mein hun Duniya ka talabgaar nahin hun

Bazaar se guzra hun khareedar nahin hun, 

Zinda hun magar zeest ki lazzat nahin baaqi, 

Har - chand ki hun hosh mein hoshiyar nahi hun, 

Is khana-e-hasti se guzar jaunga be-laos, 

Sayaa hun faqat naqsh-ba-deewar nahi hun, 

Afsurda hun Ibrat se daawa ki nahi haajat, 

Gham ka mujhe ye zauf hai beemar nahi hun, 

Wo gul hun khiza ne jise barbaad kiya hai, 

Uljhun kisi daaman se wo khaar nahi hun, 

Ya Rab mujhe mahfooz rakh us butt ke sitam se, 

Mai uski inayat ka talabgaar nahi hun, 

Go daawa-e-Taqwa nahin dargaah-e-Khuda mein, 

Butt jisse hon khush aisa gunahagaar nahi hun, 

Afsurdgi-o-zof ki kuch hadd nahin 'Akbar', 

Kaafir ke muqabil mein bhi dee - daar nahi hun

Ghamza nahi hota ki Ishara nahin hota

Ghamza nahi hota ki Ishara nahin hota, 

Aankh unse jo milti hai to kya - kya nahi hota, 

Jalwa na ho ma'ani ka to surat ka asar kya, 

Bulbul gul-e-tasweer ka shaida nahi hota, 

Allah bachaye marz-e-Ishq se dill ko, 

Sunte hain ki ye aariza achcha nahi hota, 

Tashbeeh tere chehre ko kya dun gul-e-tar se, 

Hota hai shagufta magar itna nahi hota, 

Mai Naz'a mein hu aayen to ehsaan hai unka, 

Lekin ye samajh lein ki tamasha nhi hota, 

Ham aahe bhi karte hain to ho jate hain badnaam, 

Wo qatl bhi karte hain to charcha nahi hota,. 

Hai do - Roza Qayaam-e-sara-e-fana 
Na bahot ki khushi hai na kam ka gila, 

Hai do - Roza Qayaam-e-sara-e-fana Na bahot ki khushi hai na kam ka gila, 

Ye kahaan ka fasana-e-sood-o-Ziyan  jo gaya wo gaya jo mila wo mila, 

Na bahaar jami na khiza hi rahi kisi ahl-e-nazar ne ye khoob kahi, 

Ye karishma-e-shaan-e-zahoor hain sab kabhi khaak udi kabhi phool khila, 

Nahin rakhta main khwaahish-e-Aish-o-tarab yahi Saaqi-e-dahr se hai bas talab, 

Mujhe Ta'at-e-haq ka chakha de maza na kabab khila na sharaab pila, 

Hai fizool ye qissa-e-zaid-o-baqar har ek apne amal ka chakhega samar, 

Chalo zehan se fursat-e-umr hai bahot kam jo dila to  Khuda hi ki yaad dila. 

You May Also Read:

• Shikwa Allama Iqbal

Apne pahlu se wo gairon ko utha hi na sake

Apne pahlu se wo gairon ko utha hi na sake, 

Unko ham kissa-e-gam apna suna hi na sake, 

Zehan mera wo Qayamat ki do Aalam pe muheet, 

Aap aise ki mere zehan mein aa hi na sake, 

Dekh lete jo unhein to mujhe rakhte ma'azoor, 

Sheikh Sahab magar us bazm mein ja hi na sake, 

Aql mahengi hai bahut ishq khilaaf-e-tahzeeb, 

Dill ko is ahad me ham kaam mein la hi na sake, 

Ham to khud chahte the chain se baithen koi dam, 

Aapki yaad magar dill se bhula hi na sake, 

Ishq kaamil hai usi ka ki patangon ki tarah, 

Taab Nazzara-e-Maashooq ki la hi na sake, 

Daam-e-hasti ki bhi tarqeeb ajab rakhi hai, 

Jo fanse usmein to fir jaan bacha hi na sake, 

Mazahr-e-Jalwa-e-Jaana har ek shaye 'Akbar'

Be-Adab aankh kisi samt utha hi na sake, 

Aisi mantiq se to deewangi behtar 'Akbar'

Ki jo Khaliq ki taraf Dill ko jhuka hi na sake. 

Aah Jo Dill Se Nikali Jayegi

Aah jo Dill se nikali jayegi, 

Kya samajhte ho ki khali jayegi, 

Is nazakat par ye shamsheer-e-Zafa, 

Aapse kyun kar sambhaali jayegi, 

Kya gham-e-Duniya ka dar mujh rind ko, 

Aur ek bottle chadha li jayegi, 

Sheikh ki dawat mein maye ka kaam kya, 

Ehtiyatan kuch manga li jayegi, 

Yaad-e-Abru mein hai 'Akbar mahav Yun, 

Kab teri ye kaz khayali jayegi. 

Source:-

Book- Roomani Ghazlein Page no. 64

Creater- Samina Hijab

Publication- Maktaba Jamia Limited New Delhi (1997) 

Version- 1997

Falasfi ko bahes ke andar Khuda milta nahi

Falasfi ko bahes ke andar Khuda milta nahi, 

Dor ko suljha raha hai aur sira milta nahi, 

Ma'arifat khaliq ki Aalam mein bahut dushwar hai, 

Shahre-e-tan mein jabki khud apna pata milta nahi, 

Gafilon ke lutf ko kaafi hai duniyawi khushi, 

Aaqilon ko Begam-e-ua maza milta nahi, 

Kashti-e-Dill ki ilahi bahr-e-khasti mein ho khair

Na-Khuda milte hain lekin Ba-Khuda nahi, 

Gafilon ko kya sunaaun Daastaan-e-Ishq-e-Yaar, 

Sunne wale milte hain Dard-Aashna milta nahi, 

Zindagi ka maza milta tha jinke Bazm mein, 

Unki qabron ka bhi ab mujhko pata milta nahi, 

Sirf  Zahir ho gaya Sarmaya-e-Zeb-o-Safa, 

Kya ta'ajjub hai jo Batin Ba-Safa milta nahi, 

Pukhta Tab-O par hawadis ka nahi hota asar, 

Kohsaron mein nishan-e-naqsh-e-pa milta nahi, 

Sheikh sahab brahman se laakh bartein dosti, 

Be-bhajan gaye to mandir se tika milta nahi, 

Jis pe dill aaya hai wo sheerin-Ada milta nahi, 

Zindagi hai talkh jeene ka maza milta nahi, 

Log kahte hain ki bad-naami se bachna chahiye, 

Kah do be uske jawani ka maza milta nahi, 

Ahle jahil jis qadar chahen karein bahas-o-jidaal, 

Mai ye samjha hu khudi mein to Khuda milta nahi, 

Chal base wo din ki yaron se bhari yhi anjuman, 

Haye afsos aaj surat-aashna milta nahi, 

Manzil-e-Ishq-o-tawakkul Manzil-e-Ezaaz hai, 

Shaah sab baste hain yaan koi gada milta nahi, 

Baar takleefon ka mujh par baar-e-ehsaan se hai sahal, 

Shukr kee ja hai agar hajat rawaa milta nahi, 

Chandni ratein bahaar apni dikhati hain to kya, 

Be-tere mujhko to Lutf-e-mah - Laqa milta nahi., 

Ma'ani-e-dill ka kare izhaar 'Akbar'  kis tarah

Lafz maujoon Bahr-e-Kashfa-e-Mudda'aa milta nahi. 

Source:-

Book- Kulliyat-e-Akbar Allahabadi Page no. 41

Sadiyon philosophy ko chuna aur chune rahi 
Lekin Khuda ki baat jahan thi wahi rahi, 

Sadiyon philosophy ko chuna aur chune rahi 

Lekin Khuda ki baat jahan thi wahi rahi, 

Zor aazmaiyan huyi Science ki bhi khoob

Taqat badhi kisi ki kisi mein nahi rahi, 

Duniya kabhi na sulah pe mayel huyi magar

Baham hamesha bar sar pelkaar wakin rahi, 

Paya agar farogh to sirf un nafoos ne

Jinki ki Khazr-e-raah faqat shama'a deen rahi, 

Allah hi ki yaad bahar Haal khalq mein

Wajah sukoon khatir andwah geen rahi.

Hangama hai kyu barpa thodi si jo pi li hai
Daka to nahi mara chori to nahi ki hai

Hangama hai kyu barpa thodi si jo pi li hai

Daka to nahi mara chori to nahi ki hai

Na-tajarba-kaari se wi'z ki hai ye hain baten

Is rang ko kya jane pucho to kabhi pi hai

Us maye se nahi matlab dill jis se hai begana

Maqsood hai us maye se dill hi mein jo khinchti hai

Aye shuaoq wahi maye pi aye hosh zara so ja

Mehmaan-e-nazar is dam ek barq-e-tajalli hai

Waan dill mein ki sadme do yaan ji mein ki sab sah lo

Unka bhi ajab dill hai mera bhi ajab ji hai

Har zarra chamakta hai Anwaar-e-Ilahi se

Har saans ye kahti hai ham hain to khuda bhi hai

Suraj mein lage dhabba fitrat ke karishme hain

Butt hamko kahen kafir Allah ki marzi hai

Ta'aleem ka shor aisa tahazeeb ka gull itna

Barkat jo nahi hoti niyyat ki kharabi hai

Sach kahte hain sheikh 'Akabar' hai Taa-at-e-haq lazim

Haan tark-e-maye-o-Shahid ye unki buzurgi hai

Halqe nahi hai zulf ke halqe hain jaal ke

Halqe nahi hai zulf ke halqe hain jaal ke

Haan aye nigah-e-shauq zara dekh bhaal ke

Pahunche hain ta-kamar jo tere gesu-e-rasa

Ma'ani ye hai kamar bhi barabar hai baal ke

Bos-o-kanar-o-wasl-e-hasina hai khoob shagl

Kamtar buzurg honge khilaaf is khayal ke

Qaamat se tere saan-e-Qudrat ne aye hansi

Dikhla diya hai hashr ko saanche mein dhaal ke

Shaan-e-dimaag ishq ke jalwe se ye badhi

Rakhta hai hosh bhi qadam apne sambhaal ke

Zeenat muqaddama hai museebat ka daher mein

Sab shama'a ko jalte hain saanche mein dhaal ke

Hasti ke haq ke samne kya asl-e-iin-o-aan

Putle ye sab hain aapke wahm-o-khayal ke

Talwar le ke uthta hai har Talib-e-Farog

Daur-e-Falaq mein hain ye ishare Hilaal ke

Pechida zindagi ke karo tum muqaddme

Dikhla hi degi maut nateeja nikaal ke

Haakim-e-dill ban gayi hain ye thiyetar waliyan
Main lgaunga gul-e- daag-e-jigar ki daaliyan

Haakim-e-dill ban gayi hain ye thiyetar waliyan

Main lgaunga gul-e- daag-e-jigar ki daaliyan

Zabt ke jaame ke bakhiya toot-te hain doston

Haye ye bele kasheeden aur aisi jaaliyan

Har mustaqbil pari maazi magar ye haal hain

Dee-o-farda kya kru paau jo ye khush-haliyan

Aasmaan se kya garaz jab zameen pe hai ye chamak

Maah-o-Anjum se hain badh kar unke bunde baliyan

Phool wo kahti hain mujhko mai unhein samjha hun phool

Hai gul-e-rangeen se behtar unke gulon ki gaaliyan

Hai do - Roza Qayaam-e-sara-e-fana 
Na bahot ki khushi hai na kam ka gila

Hai do - Roza Qayaam-e-sara-e-fana Na bahot ki khushi hai na kam ka gila, 

Ye kahaan ka fasana-e-sood-o-Ziyan  jo gaya wo gaya jo mila wo mila, 

Na bahaar jami na khiza hi rahi kisi ahl-e-nazar ne ye khoob kahi, 

Ye karishma-e-shaan-e-zahoor hain sab kabhi khaak udi kabhi phool khila, 

Nahin rakhta main khwaahish-e-Aish-o-tarab yahi Saaqi-e-dahr se hai bas talab, 

Mujhe Ta'at-e-haq ka chakha de maza na kabab khila na sharaab pila, 

Hai fizool ye qissa-e-zaid-o-baqar har ek apne amal ka chakhega samar, 

Chalo zehan se fursat-e-umr hai bahot kam jo dila to  Khuda hi ki yaad dila.